هليوووو شلووونكم حبايبي
دا اريد اكللكم البارحة شسويت ويه المدير علاوي ابو البلاوي
اول شي اكللكم كلشي كاتبه هنا مابي شي جذب يعني مو اطلعوني جذاب
اني خوش ولد ما اجذب ...
اكللكم شصار .. طبعا اني عندي الايميل مال علاوي المدير
والبارحة جنت فاتح المسنجر وشفته فاتح بس غلست محجيت وياه
بعدين الحب مالتي فتحت كلت يلا خوش وكت كعدت احجي وياها واهمبل عليهه
اشو على غفلة علاوي دزلي BUZZ!!! كلت اهوووو هوه هذا هم وكت تجي تحجي ويايه
شسوي رحت عل حب مالتي كتلهه عذريني عندي شغلة مهمة كلش ما اكدر اكمل سوالف
طبعا هيه بس سمعت هيجي راسا ضاجت وسدت مسنجر
اني هم ضجت كلت خلي اشوف هذا شبيه ؟
وبده الحجي ..
علاوي ابو البلاوي : هلا حبي بشار شلونك
اني : هلا علاوي ها شتريد
علاوي : عيوني بشار اريد واحد يشتري مستر عراق لان اني محتاج فلوس كلش محتاجهه عل سريع
اني : اي يعني انته هسه شتريد ؟
علاوي : اريد تشتري مستر عراق مني وتستلم الادارة
اني : اي ابيش تريده ؟
علاوي : بس 20 دولار
اني : حييييييييييييييييييل شدعوه هوه منتداك بيه 78 الف عضو بس يلا اخر شي
علاوي : زين 10 دولارات
اني : يلا ولو ميسوه منتداك بس اشتريه منك لان انته محتاج فلوس بلكي اكسب اجر
علاوي : اي حبي رحمة الله والديك تعال هسه للبيت جيبلي ال 10 دولارات
اني : زين انتظر فد ساعة واكون يمك
اني سديت المسنجر وطفيت الحاسبة وطلعت
رحت اخذت الهونداي 2008 مال ابوية لان الشبح مالتي يم البنجرجي ديصبغلي ياها هع
وطلعت بيها اشو اني بالشارع طبعا الشارع كله تصات اشو على غفلة سمعت شحطه مال
تاير ,, ما اشوفلكم الا سيارتين وحده سوده كدام سيارتي واللخ فستقي وره سيارتي
نزلوني من السيارة رادو يخطفوني
كلتلهم زين والسيارة متاخذوهه وياكم خوما تبقى تشتغل بنص الشارع
بس الحمد لله طلعت عصابة بالجديد مو هلكد خبرة واحد منهم كلي دتشوف ذاك الفرع الطافحة بيه المجاري ؟
كلتله اي
كلي روح اركن بيه السيارة وتعال عل سريع ,, اني كلتله مو تدلل
بس هم زين اخذت السيارة وذبيتها عل D ودوس بانزين وفلتت الحمد لله هذا كله صوج علاوي
بعدين ما اشوف نفسي وره ربع ساعة يم بيت علاوي
دكيت الباب طلعلي كلي هلو تفضل جاي كهوة ببسي كيمر راشي
كلتله لاتسلم اخذ الفلوس وانطيني الباسورد مالك عل سريع
كلي زين امبين انته مستعجل
كلتله اي طبعا
انطاني الباسورد مالته ورجعت للبيت ,, كعدت شويه افكر ويه نفسي كلت مالي واهس
منتديات خلي انطيه المنتدى لفد واحد
وكلت احطه بموضوع واللي يشوف الموضوع اول واحد هوه ياخذ المنتدى وهذا الباسورد مالته
kdsljgklgkdasnhgflkj'ljdsljm32lktj09wejkgpoi234pgo k's[ph;lsk;ldskg;lsdgikpowke;lgksd;glksd;lgks;dlgk;lsd kg;lsdkp0tk;ldmb,.xcbmkkkkkkkkkkkkkkkldkf;sdlkpowk eg;lkd;.bmf.jpiq3w850926u09843u6yio4jy0985ujlighjs l;gl;keutioujtg
شوفو شكد سهل كلش سهل
هاااااااااع ترا اني ما اجذب
وتره اني ما ادري حطيت الموضوع بالمنتدى المناسب يمكن بمنتدى جاي وجذب
بعد هذه مشكلة المشرف هااااااااع
يلا باي
واتمنى تثبيت الموضوع
الجمعة مارس 27, 2009 1:15 am